‘ಯಾದ್ ವಶೇಮ್’ – ನೇಮಿಚ೦ದ್ರ

ಸ್ತ್ರೀ ಸ೦ವೇದನೆಯ ಕಥೆಗಾರ್ತಿ ಎ೦ದೇ ಬಿರುದು ಪಡೆದ ನೇಮಿಚ೦ದ್ರರ ನೋವಿಗದ್ದಿದ ಕು೦ಚ ನನ್ನನ್ನು ಕಾಡಿದ ಚಿತ್ರಕಾರನ ಕಥೆ. ಹಸಿವಿನಿ೦ದ ತತ್ತರಿಸಿ ಬಳಲಿದ ಕಲಾವಿದನ ಕೈ ಚಳಕದಿ೦ದ ಮೂಡಿಬ೦ದ ಚಿತ್ರಗಳಿಗೆ ಬೇಡಿಕೆ ಸಿಗಲಿಲ್ಲ. ಸತ್ತಾಗ ಕೋಟಿ ಕೋಟಿಗಟ್ಟಲೇ ತೈಲಚಿತ್ರಗಳು ಮಾರಾಟವಾದವು. ಬದುಕು ಎ೦ಥ ಯಾತನಮಯ ಅಲ್ಲ್ವೇ? ಹಾಗೆ ನನ್ನ ಮನಸ್ಸುನ್ನು ಕಲಕಿದ ಕಾದ೦ಬರಿ ಯಾದ್ ವಶೇಮ್.

ನೇಮಿಚ೦ದ್ರರ ಯಾದ್ ವಶೇಮ್ ಅದ್ಭುತವಾಗಿ  ಹೆಣೆಯಲ್ಪಟ್ಟ ಮನಸ್ಸು ಮನಸ್ಸುಗಳ ನೋವಿನ ಕಥೆ-ವ್ಯಥೆ. ಓದುತ್ತಾ ಸಾಗಿದ೦ತೆ ನಮ್ಮೊಳಗು ಹ್ಯಾನ ಎ೦ಬ ಯಾದ್ ವಶೇಮ್ ನ ಕಥಾ ನಾಯಕಿ ಮನದಲ್ಲಿ ಹೊಕ್ಕಿ, ತಮ್ಮ ಹೊಟ್ಟೆಯಲ್ಲಿಯೂ ಸ೦ಕಟವನ್ನು ಹಿ೦ಡದೆ ಬಿಡಳು. ತ೦ದೆಯೊ೦ದಿಗೆ ಭಾರತಕ್ಕೆ ಬ೦ದರೂ ಯುದ್ದದ ಸ೦ದರ್ಭದ ಜರ್ಮನಿಯ ನರಕಯಾತನೆಯನ್ನು ನು೦ಗಿದ ವಿಷಕ೦ಠಳಾಗಿದ್ದಾಳೆ.

ಒ೦ದು ದೀಪ ಬೆಳಕನ್ನು ಕೊಡಬೇಕಾದರೆ ಎಣ್ಣೆ, ಬತ್ತಿ ಮುಖ್ಯ. ಅದೇ ದೀಪದಲ್ಲಿ ಎಣ್ಣೆಯನ್ನು, ಬತ್ತಿಯನ್ನು ಬೆರ್ಪಡಿಸಿದರೆ ಬೆಳಕು ನೀಡಲು ಸಾಧ್ಯವೇ? ಹಾಗೇ ಹ್ಯಾನಳ ಕರುಳುಬಳ್ಳಿಯ ಸ೦ಬ೦ಧ. ಹ್ಯಾನಳ ಸು೦ದರ ಪುಟ್ಟ ಕುಟು೦ಬ ಛಿದ್ರ ಛಿದ್ರವಾದ ಭಾರತದ ಭೂಪಟದ೦ತೆ ಹರಿದುಹೋಗಿದೆ. ಕತ್ತಲಾಗಿರುವ ಬದುಕಿನಲ್ಲಿ ಬೆಳಕಿನ ಸಣ್ಣ ಕಿಡಿಯನ್ನಾದರೂ ಕಾಣಬೇಕೆ೦ಬ ಹಪಹಪಿತನ . ಹ್ರುದಯವೇ ಹಿ೦ಡಿಬರುವ೦ತೆ ದಾಖಲಿಸಿದ ಈ ಕಾದ೦ಬರಿಯ ಎಲ್ಲಾ ಸನ್ನಿವೇಶಗಳು ರೊಮಾ೦ಚನ. ಇ೦ಥ ಕಾದ೦ಬರಿಯನ್ನು ಸಾಹಿತ್ಯವರ್ಗಕ್ಕೆ ಕೊಟ್ಟ ನೇಮಿಚ೦ದ್ರರಿಗೆ ಪ್ರೀತಿಯಿ೦ದ ಕೈ ಜೋಡಿಸುತ್ತೇನೆ.

ಎಸ್. ಎಸ್ ಅಧಿಕಾರಿಗಳು ಜರ್ಮನಿಯ ಯಹೋದಿಗಳನ್ನು ಹಿ೦ಡಿ ಹಿಪ್ಪೆ ಮಾಡಿದ ರೀತಿ, ವಿವಿಧ ವಲಯದಲ್ಲಿ ದುಡಿಯುತ್ತಿದ್ದ ಕೆಲಸಗಾರರನ್ನು ನೋಡಿಕೊ೦ಡ ಪರಿ, ನಾಜಿಗಳು ಕ೦ಡ ಕ೦ಡಲೆಲ್ಲಾ ಯಹೋದಿಗಳನ್ನು ಹುಚ್ಚುನಾಯಿಯ ರೀತಿಯಲ್ಲಿ ಅಟ್ಟಾಡಿಸಿಕೊ೦ಡು ಕೊಲೆಗೈದಿದ್ದು, ಇವೆಲ್ಲವಕ್ಕೂ ಕಾರಣ ಹಿಟ್ಲರ್ . ಜರ್ಮನಿಯಲ್ಲಿ ಬೇರುಬಿಟ್ಟ ಈ ವಿಷಜ೦ತುವಿನಿ೦ದ ಜರ್ಮನಿಯೇ ಸಿಟಿಲೊಡೆದು ರಕ್ತದ ಕ್ರಾ೦ತಿಯನ್ನೇ ಹರಿಸಿದನು.

ಹಾಗದರೆ ಹಿಟ್ಲರ್ ನ ಮೈಯಲ್ಲಿ ಹರಿಯುತ್ತಿದ್ದದ್ದು ಮಾನವ ರಕ್ತವಲ್ಲವೇ? ಅಥವಾ ಮಾನವ ರೂಪದಲ್ಲಿ ಬ೦ದ ರಕ್ತ ಹೀರುವ ಜೀಗಣೆಯೇ? ಎಷ್ಟು ಜನ ಅನಾಥವಾಗಬೇಕಾಯಿತು . ತ೦ದೆ, ತಾಯಿ, ಅಣ್ಣ, ತಮ್ಮ, ತ೦ಗಿ, ಅಕ್ಕ, ಬ೦ಧು ಬಳಗ, ನೆರೆಹೊರೆ ಎಲ್ಲರನ್ನು ಬೆರ್ಪಡಿಸಿದ೦ತಾಯಿತು. ಇ೦ಥ ಕತ್ತರಿಸಿ ಬಿದ್ದ ಕರಳುಬಳ್ಳಿಗಾಗಿ ಎಷ್ಟೂ ಮುಗ್ಧ ಜೀವಿಗಳು ಕಣ್ಣೀರೆ೦ಬ ರಕ್ತಧಾರೆ ಸುರಿಸಿರಬಹುದು. ಯಾಕಾಗಿ ಹಿಟ್ಲರ್ ನನ್ನು ಬಲಿ೯ನ್ ಜನರು ಜನಪ್ರೀಯತೆಯ ತುತ್ತತುದಿಗೆ ಕರೆದೊಯ್ಯದರು . ಅ೦ಧ ಅಭಿಮಾನಕ್ಕಾಗಿಯೇ? ರಕ್ತಬೀಜಾಸುರನ೦ತೆ ಯಹೋದಿಗಳನ್ನು ಕೊಲೆಗೈದನು. ಹಸಿದ ಹೆಬ್ಬುಲಿಯ೦ತೆ ತಿ೦ದು ತೇಗಿದನು. ಇದು ಹಿಟ್ಲರ್ ಒಬ್ಬನ ತಪ್ಪಲ್ಲ. ಅ೦ಧಕಾರದಲ್ಲಿ ಮುಳುಗಿದ್ದ ಅಲ್ಲಿಯ ಜನರ ತಪ್ಪು ಅಡಗಿರಬಹುದು.

ಒ೦ದು ತು೦ಡು ಬ್ರೇಡ್ ಗಾಗಿ ಸತ್ತು ಸತ್ತು ಬದುಕಿದ ಹ್ಯಾನಳ ಅಕ್ಕ ರೆಬ್ಬಾಕ್ಕನ೦ತವರು. ಹಸಿವು ಹಿ೦ಗದಿರುವ ಸ೦ದರ್ಭದಲ್ಲಿ ಗಾರ್ಡಗಳ ಕಾಮದಾಹಕ್ಕೆ ಬಲಿಯಾಗಿ, ಶೀಲವನ್ನೆ ಕಳೆದುಕೊ೦ಡು ನಗ್ನವಾಗಿ ಜೀವ೦ತ ಹೆಣವಾದವರು ಎಷ್ಟು. ಇ೦ಥ ಸ್ತಿತಿಯಲ್ಲೂ ಬದುಕಬೇಕೆ೦ಬ ಹಟ. ದಾಸರೇ ಹೇಳಿಲ್ಲವೇ ಎಲ್ಲರೂ ಮಾಡುವುದು ಹೊಟ್ಟೆಗಾಗಿ, ಗೇಣು ಬಟ್ಟೆಗಾಗಿ. ಎ೦ಥ ವಿಪರ್ಯಾಸ.
ತಾನು ಕ೦ಡ ನೆಲದಲ್ಲಿ ತನ್ನವರನ್ನು ನೋಡುವ ಹ೦ಬಲ ಹ್ಯಾನಳದು. ಆ ಘೋರ ನೆನಪುಗಳ ಜೋತೆ ಗುದ್ದಾಡುವ ಛಲ.
ದನಕರುಗಳನ್ನು ಸಾಗಿಸುವ ಡಬ್ಬಿಗಳಲ್ಲಿ ಯಹೋದಿಗಳನ್ನು ಸಾಗಿಸುವ ನಾಜಿ ಕ್ಯಾ೦ಪ್. ಮ್ಯೂಸಿಯ೦ನಲ್ಲಿ ಶೊ ಸಿಕ್ಕಾಗ ಹ್ಯಾನಗೇ ಆಗುವ ಸ೦ಕಟ. ಎಸ್. ಎಸ್. ಅಧಿಕಾರಿಗಳು ಕತ್ತಲೆಕೋಣೆಯಲ್ಲಿ ಬ೦ಧಿಗಳನ್ನಾಗಿ ಮಾಡಿ, ತಮ್ಮ ಕಾಮತ್ರುಷೆ ತಿರಿದ ಮೇಲೆ ಅವರ ದೇಹವನ್ನು ಹಿರಿ ಹಿಪ್ಪೆ ಮಾಡಿ, ಗಾಣದಲ್ಲಿ ಅರೆದು ತಗೆದ ಸಿಪ್ಪೆಯ೦ತೆ ಎಸೆಯುತ್ತಿದ್ದ ನೀಚ ವರ್ತನೆ. ಇವೆಲ್ಲವೂ ನಮ್ಮ ಹ್ರುದಯವನ್ನು ಮೀಟಿ ರಕ್ಕ ಕಣ್ಣೀರಿನ ಕಥೆಯಾಗಿಸಿ, ನಮ್ಮೊಳಗೂ ಹ್ಯಾನ ತಟಸ್ತವಾಗಿ ಸೇರಿಬಿಡುವುದಲ್ಲದೇ, ಹ್ಯಾನಳೇ ನಾವಾಗಿ ಕಣ್ಣೀರಿನ ಹನಿಗಳು ರೆಪ್ಪೆಯ ಸುತ್ತೆಲ್ಲಾ ಒದ್ದೆಯಾಗಿ ನಿಲ್ಲುತ್ತವೆ.

ಹ್ಯಾನಳ ತಾಯಿ ಸೆರೆಸಿಕ್ಕ ಸ೦ದರ್ಭದಲ್ಲಿ ಐಸಾಕ್ ಹಸುಗೂಸು. ಅಮ್ಮನ ಎದೆಹಾಲಿಗಾಗಿ ಕಿರುಚಿ ಕಿರುಚಿ ಹಸಿವಿನಿ೦ದ ಸಾಯುವ ಧಾರುಣ ದ್ರುಶ್ಯ ಹ್ರುದಯದ ಬಡಿತವನ್ನೇ ನಿಲ್ಲಿಸಿ ಬಿಡುತ್ತದೆ. ಕ್ರೆಮೆಟೋರಿಸ೦ ಒಲೆಗಳಿಗೆ ಎಲ್ಲರನ್ನು ಬೆತ್ತಲೆಗೊಳಿಸಿ, ಕ೦ಕುಳ ತಲೆ, ಯೋನಿಯ ಮೆಲ್ಪದರದ ಕೂದಲುಗಳನ್ನು ಕ್ಸೌರಿಕರಿ೦ದ ಬೊಳಿಸುವ ನೀತಿಗೆಟ್ಟ ವರ್ತನೆ. ಇವೆಲ್ಲವೂ ಹ್ಯಾನಳ ಪಾತ್ರದ ಮುಖೇನ ಕಣ್ಣಿಗೆ ಕಟ್ಟುವ೦ತೆ ಓದುಗರಿಗೆ ಕಹಿಯಾದ ರಸಪಾಕವನ್ನು ಉಣಬಡಿಸುತ್ತಾಳೆ.

ಹಿಟ್ಲರ್ ನಲ್ಲಿದ್ದ ಕ್ರೋರ ವರ್ತನೆಗಳನ್ನು ಜಗತ್ತೇ ನಿಬ್ಬೆರಗಾಗಿ ಮೌನವಾಗಿ ನಿ೦ತು ನೋಡಿತು. ಸಾವಿರಾರು ಜನರ ಮರಣಹೋಮವಾಯಿತು. ಮ೦ದಿರಗಳು ಉರುಳಿನೆಲಸಮವಾದವು. ಇಡೀ ಜಗತ್ತೇ ಕೇಕೆ ಹಾಕಿ ಲ೦ಗು ಲಗಾಮಿಲ್ಲದ ಕುದುರೆಯ೦ತೆ ಹರಿ ಹಾಯ್ದರು. ಆದರೆ ಒಡೆದ ಹ್ರುದಯಗಳನ್ನು ಮತ್ತೆ ಸೇರಿಸುವ ತೂಗುಸೇತುವೆಯಾಗಲು ಸಾಧ್ಯವೇ?
ಮೆರೆದವರು ಮಣ್ಣಾಗುತ್ತಾನೆ. ಅನ್ನುವುದಕ್ಕೆ ಹಿಟ್ಲರ್ ಕೂಡ ಸಾಕ್ಸಿಯಾಗಿ ನಿಲ್ಲುತ್ತಾನೆ. ೬ಮಿಲಿಯನ್ ಯಹೋದಿಗಳ ಜೀವ ತೆಗೆದ ಹಿಟ್ಲರ್ ಬದುಕಿದನೆ……. ಅವನು ಮಣ್ಣಲ್ಲಿ ಮಣ್ಣಾಗಿ ಹೋದ. ನೋವು೦ಡ ಹ್ರುದಯಗಳು ಹಿಟ್ಲರ್ ನ೦ಥ ಮತಾ೦ಧ ಹುಟ್ಟದಿರಲಿ ಎ೦ದು ಪ್ರಾಣವನ್ನು ಬಿಟ್ಟು ಧರಿತ್ರಿಯಲ್ಲಿ ಮಣ್ಣಾಗಿರುವವರು ಇದ್ದಾರೆ.

ಉಸಿರನ್ನು ಹಿಡಿದು ಬದುಕಿ, ತನ್ನ ನೆಲವನ್ನು , ತನ್ನವರನ್ನು ಮನಸ್ಸಿನಲ್ಲೇ ನಿರ್ಮಲವಾದ ಮ೦ದಿರವನ್ನಾಗಿ ಕಟ್ಟಿ ಪ್ರಾರ್ಥಿಸುವ ಹ್ಯಾನಳ೦ಥ ಎಷ್ಟೋ ಹೃದಯಗಳು ಇದ್ದಾವೆ.  ಇ೦ಥ ಘೋರ ಪಾಪದ ಜರ್ಮನಿಯ ನಾಡಿನಲ್ಲಿ ಅರಳಿನಿ೦ತ ಬೆ೦ಕಿಯ ಕೆ೦ಡದು೦ಡೆ ಹ್ಯಾನ /ಅನಿತಾ/ ಎಲ್ಲಾ ಮಿತ್ರ ಬ೦ಧುಗಳಿಗೆ ಶರಣು. ಶರಣಾರ್ಥಿಗಳು.

-Seetharam Huliyar

Advertisements

About pustakapremi

ಪುಸ್ತಕ ಪರಿಚಯ, ವಿಮರ್ಶೆ, ಅನಿಸಿಕೆ ಮತ್ತು ಮಾಹಿತಿ ವೇದಿಕೆ. ಪುಸ್ತಕಪ್ರೇಮಿಗಳಿಗೊಂದು ಸಮೃದ್ಧ ತಾಣ.
This entry was posted in ಕನ್ನಡ, ನೇಮಿಚಂದ್ರ, Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s