hamsayaanaಮಹತ್ತರವಾದುದು, ಶ್ರೇಷ್ಠವಾದುದು ಎಂಬ ಅರ್ಥಗರ್ಭಿತ ಹೆಸರಿನ ಮಹತಿ ಎಂಬ ಯುವತಿ ವಿಶಿಷ್ಟ ವಸ್ತುವಿನ ಕಾದಂಬರಿಯನ್ನು ಬರೆಯುವ ಸಲುವಾಗಿ ಸೂಕ್ತ ಪ್ರೇರಣೆಗೋಸ್ಕರ ಸಸ್ಯವನಕ್ಕೆ ಹೊರಟು , ಅಲ್ಲಿಯ ನಿಸರ್ಗ ಸೌಂದರ್ಯವನ್ನು ಸವಿಯುತ್ತ, ತನ್ನ ಬಾಲ್ಯ ಜೀವನದಲ್ಲಿ ನಡೆದ ಕಹಿ ನೆನಪಿನ ನಿಗೂಡ ರಹಸ್ಯವನ್ನು ಬೇಧಿಸಿದ ಪತ್ತೇದಾರಿ ಕಥೆಯನ್ನು ಕುತೂಹಲವಾಗಿ, ರಸವತ್ತಾಗಿ ಬರೆದಿದ್ದಾರೆ ಲೇಖಕಿ ತೇಜಸ್ವಿನಿ ಹೆಗಡೆಯವರು.

ಕಾದಂಬರಿಯ ಪ್ರತಿ ಪುಟಗಳು ಒದುಗರನ್ನು ತುಂಬಾ ಆಸಕ್ತಿಯಿಂದ ಹಿಡಿದಿಟ್ಟುಕೊಳ್ಳುವಲ್ಲಿ ತಮ್ಮದೇ ಛಾಪು ಮೂಡಿಸಿದ್ದು, ನಿಸರ್ಗದತ್ತವಾದ ಸಸ್ಯರಾಶಿಯನ್ನು, ಸಸ್ಯವನದಲ್ಲಿರುವ ಹಂಸಕುಟೀರವನ್ನು ಸುಂದರವಾಗಿ ವರ್ಣಿಸಿದ್ದು ಪರಿಸರ ಕಾಳಜಿಯನ್ನು ತಿಳಿಸಿದ್ದಾರೆ ಲೇಖಕರು.

ಕಾದಂಬರಿಯಲ್ಲಿ ತುಂಬಾ ಇಷ್ಟವಾದ ಸಾಲುಗಳು- “ನಾವು ನಮ್ಮ ದುಃಖ, ಶ್ರಮ, ನೋವುಗಳನ್ನೇ ಎತ್ತಿ ತೋರಿಸ್ಕೊಳ್ಬಾರ್ದು, ನಾವು ಪಡುವ ಪರಿಶ್ರಮಗಳೆಲ್ಲಾ ಈ ಹಂಸದ ಪಾದದಂತೇ ನಮ್ಮೊಳಗೆ ಅಡಗಿದ್ದು, ನಮ್ಮ ಬೆಳವಣೆಗೆಗೆ ಬೆನ್ನೆಲುಬಾಗಿರ್ಬೇಕು”

DrDeepa MB

Advertisements